గుండె సవ్వడి!
ఇది తెలుగు వారి గుండె సవ్వడి!
మన తెలుగు వారి మనసుల్లో ఆలోచనలు కూడా తెలుగులోనే ఉంటాయి కదండీ! అందుకే మనందరి మనసులకు అద్దం పట్టేలా ఈ తెలుగు బ్లాగ్ మొదలుపెట్టాను.
నా పేరు కుంచాల. వంశీ కృష్ణ. వృత్తిపరంగా నేనొక సాఫ్ట్వేర్ ఇంజినీర్. ప్రవృత్తిపరంగా నేనొక తెలుగు వాడిని. సంస్కృతి, సాంకేతికతల మేలి కలయిక మన సంస్కృతి విలువను మరింత పెంచుతుందని నా నమ్మకం. తెలుగును జగద్విఖ్యాతం చెయ్యటంలో సాంకేతికత సముచిత పాత్ర పోషించిందనటం నిర్వివాదం. హైటెక్ సిటీ నుండి ప్రపంచ కోణ కోణాలకు తెలుగు విస్తరించి ఉందంటే అతిశయోక్తి కాదేమో!
నాకు మన తెలుగు భాష అన్నా, మన సంస్కృతి అన్నా ఎనలేని మక్కువ. తెలుగు లో మాట్లాడే ప్రతి పదం మనసుకు ఇంపుగా ఉంటుంది నాకు. ఇది చదువుతున్నారు అంటే మీకు కూడా అలాగే ఉంటుంది అని భావిస్తున్నాను.
తెలుగదేలయన్న తెలుగొకండ అన్నారు శ్రీ కృష్ణ దేవరాయలు.
మన తెలుగు చరిత్ర పైన, తెలుగు ఆచార వ్యవహారాల పైన, సనాతన సంస్కృతి పైన: తర్కబద్ధమైన, సకారాత్మకమైన, ఉత్తేజభరితమైన, ఉల్లాసభరితమైన వివరాలు సేకరించి పొందుపరచటం ఈ బ్లాగ్ లక్ష్యాలలో ఒకటి. మన ముందు తరాల వారికి ఇది ఒక వారసత్వ సంపద కావాలని నా ఆకాంక్ష.
మరో ముఖ్యమైన లక్ష్యం సమకాలీన పరిస్థితుల్లో మనకు ఎదురవుతున్న రకరకాల సమస్యల పైన లోతైన విశ్లేషణ, విభిన్న దృక్కోణం, వినూత్న పరిష్కారాలు అందించే ప్రయత్నం. నాకు అన్నీ తెలుసు అని కోతలు కొయ్యను కానీ, విభిన్నమైన నా ఆలోచనాశైలి మీ మనోఫలకం పైన ఒక చెదిరిపోని సంతృప్తికరమైన ముద్ర వేయగలదని నా నమ్మకం.
మీకు నచ్చిన విషయాలు మీ స్నేహితులు, బంధువులతో పంచుకునే అవకాశం ఉండేలా ఈ బ్లాగ్ లో ప్రతి అంశం సరళంగా ఉంచే ప్రయత్నం చేస్తాను. మీకు నచ్చిన ఏదైనా విషయాల పైన వ్రాయమని అడిగితే వ్రాస్తాను. మీ సూచనను కామెంట్స్ లో తెలియజేస్తే నేను మీకు సమాధానం వీలున్నంత త్వరగా ఇస్తాను.
నాకు తెలుగు, ఇంగ్లీషు అర్ధం అవుతాయి. కనుక మీకు తెలుగులో వ్రాయటం ఇబ్బంది ఉంటే ఇంగ్లీషులో అయినా మీ అభిప్రాయం వ్యక్తం చెయ్యగలరు.
Comments
Post a Comment